Made For India BILLION POWERBANK by Flipkart

Travellers hon ya for college jaane waale students, ya fir office jaate samay jinhein charger bhoolne ki bimari hai. Ye sabhi log low battery ki problem se aksar pareshan rehte hain hai aise mein in sabhi ke liye powerbanks ek bahut zaroori cheez hai. Specially tab jab powerbank aapko acchi capacity aur sundar design ke saath milne wala ho tab. Ji haan ! haal hi mein Flipkart ne Billion brand ke under powerbank launch kiye hain jo behad interesting hain.

Billion brand ke ye powerbanks 2 variants ke saath launch kiye hain – pehla 10,000mAh ka powerbank jiski kimat 799 INR hai aur doosra 15,000mAh ka powerbank jiski kimat 999 INR hai. Ye dono powerbanks Flipkart exclusive hai aur is samay on sale hain.

Yahaan aaj hum aapko Billion 15,000mAh powerbank ka ek chota sa quick review dene waale hain, taaki aap kharidne ke pehle iske baare mein kuch jaan sakein.

Flipkart ke Billion brand ke under launch huye ye powerbanks ‘Made In India, Made For India’ tag line ke saath launch kiye gaye hain. Inhein aap Black, Copper aur Rose Gold colors mein kharid sakte hain. 10,000mAh ka powerbank 3 USB ports ke saath aata hai, jabki 15,000mAh ke powerbank mein kewal 2 USB ports hain jinke beech mein powerbank ko charge karne ke liye ek micro USB port diya gaya hai aur uske thik niche LED torchlight hai jo powerbutton ko kuch seconds tak press karne par on hoti hai.

Ye powerbanks behad light weight hain aur rounded edges ke saath haath mein pakadne par bhi comfortable hai. Inmein sabhi ports 5V / 2.1 Amp power output ke saath aayenge. Saath hi Powerbank mein upar ki taraf ek battery level indicator bhi hai jo blue light ke saath aayega.

Iske alawa Flipkart ke anusaar ye powerbanks seven-way safety features ke saath aate hain jinmein under-voltage, over-voltage, short-circuit protection, built-in temperature protection shaamil hain. Saath hi company ke anusaar ye Billion powerbanks kuch top selling powerbanks se 13% tak light weight hai.

Billion 15,000mAh powerbank ko aap 5V / 2 amp ke charger se 8 to 9 hours mein full charge kar sakte hain aur 2 se 3 cycle ke baad ye aapko 14,000mAh tak ka output de sakta hai.

Kewal 999 INR ki kimat par ye ek achhi deal hai jahaan aapko premium design, light weighted ye 15,000mAh ka powerbank kayi achhe features ke saath mil raha hai.

LEAVE A REPLY

Please enter your comment!
Please enter your name here