MI India Launched Express Delivery Service

Xiaomi ne aaj India mein Express Delivery service start ki hai jo Mi.com aur Mi Home Store App dwara place kiye gaye orders ke liye hogi. Is samay ye service kewal Bengaluru mein hi available hai. Is service dwara diye gaye order par 24 ghante ke andar delivery ho jaati hai aur isi liye Xiaomi ne ise Express Delivery ka naam diya hai.

Is Express Delivery service se thik ek din pehle yaani ki kal bhi Xiaomi ne India fans ke liye WhatsApp based service bhi shuru ki hai. Is Express delivery service ka laabh uthaane ke liye aapko Mi.com site ke ‘Order information’ page par available ‘Express Delivery’ option ko choose karna hoga.

Iske alawa yadi aap Mi Store App se apna order kar rahe hain to checkout ke liye proceed karne ke baad aapko express delivery option ko choose karna hai aur iske baad bas apna order confirm karein. Is tarah aap apne order ki delivery kewal 24 hours mein paa sakte hain.

Halaanki is service ko paane ke liye company ki kuch apni terms and conditions hain jinhein maante huye hi aapko ye Express Delivery ki service mil sakti hai. Sabse pehli shart ye hogi ki is service ko paane ke liye aapko 9 AM se 4.30 PM ke beech hi order karna hoga. Doosri condition hai ki is service mein Cash On Delivery (COD) payment option available nahin hai, aapko debit / credit card, netbanking aur supported wallets dwara hi apne order ki payment karni hogi.

 

Saath hi abhi ye Express Delivery kuch selected products ke liye hi hai jinmein Xiaomi Redmi Note 5, Redmi 4, Redmi Y1, Redmi 5A, Mi Max 2 aur Mi A1 shaamil hain. Ek tarah se dekha jaaye to Xiaomi  is Express Delivery ke launch ke saath Amazon aur Flipkart ko challenge de raha hai.

Last month is is service ko launch karne ke liye Xiaomi ne Smartbox ke saath tie-up kiya kyonki is samay smartbox delivery terminal desh ke har kone mein available hai jaise ki metro stations, residential complexes aur office areas.

Toh dosto finally aapko yeh jankari aapko kaisi lgi niche comment krke hme btaye. Hmare blog ke new post ko apne email pe prapt krne ke liye subscribe kare.

LEAVE A REPLY

Please enter your comment!
Please enter your name here