Nokia 7 Plus Specifications Images Leaked – MWC 2018

Kal hi Nokia 7 Plus ki kayi specifications leak huin hai aur aaj is aane waale smartphone ki image bhi leak ho chuki hai. Nokia 7 Plus wahi smartphone hai jise HMD Global MWC 2018 mein showcase kar sakti hai. IS handset ke saath Nokia 9 aane ki bhi khabarein zor pakad rahin hain.

Halaanki image mein dekhein to Nokia 7 Plus ka design pichle saal aaye Nokia smartphones se milta julta hi hai, jo ki fans ko thoda niraash kar sakta hai. Lekin specifications shayad fans ko pasand aayein. Nokia 7 Plus mein 6 inch ki full HD+ display dikh rahi hai aur saath hi niche koi physical buttons nahin hai, jo ye bataate hain ki niche waali bezel behad thin hain.

Nokia 7 Plus ki is leaked image mein dual rear camera saf nazar aa rahe hain jo 12 aur 13 MP ke ho sakte hain, jo ki Carl Zeiss ke honge. Saath hi iska front camera 16 MP resolution ke saath aayega, khabaron mein ye bhi kaha jaa raha hai. Saath hi ismein bhi Nokia ka signature feature ‘Bothie’ bhi aayega jiske dwara aap front aur rear camera se ek saath pictures click kar sakte hain ya videos bhi bana sakte hain.

Nokia 7 Plus Android 8.0 Oreo ke saath aa sakta hai. Saath hi ismein 4GB ki RAM aur 64GB ki storage hogi jise aap microSD card dwara badha sakenge. Ismein fingerprint scanner bhi rear cameras ke niche hi moujood hai, jaisa ki jyadatar Nokia smartphones mein hota hai. Is smartphone mein Qualcomm Snapdragon 660 processor aane ki ummid hai.

Is smartphone ko company Black aur White color mein launch kar sakti hai aur ummid hai ki ye China mein pehle launch ho.

Toh dosto finally aapko yeh jankari aapko kaisi lgi niche comment krke hme btaye. Hmare blog ke new post ko apne email pe prapt krne ke liye subscribe kare.

pic credit : ithome.com

 

LEAVE A REPLY

Please enter your comment!
Please enter your name here