NVIDIA GTX 1050 Full Review in Hindi

NVIDIA GTX 1050 Full Review


GENERAL SPECS OF NVIDIA GTX 1050:

  • GPU ARCHITECTURE: PASCAL
  • CUDA CORES : 640
  • FRAME BUFFER: 2GB GDDR5
  • MEMORY SPEED: 7Gbps
  • BOOST CLOCK:1.3X
  • PRICE: 10K

GENERAL OVERVIEW:

Gtx 1050 NVIDIA ka sabse sasta current gen graphics card hai  jo budget gaming customers ko full hd 1080 gaming ka mazaa dilane ke liye banaya gaya hai. ye saare esports titles jaise overwatch ,cs go, dota 2 jaise ko full hd high settings ke saath chala sakta hai.Lekin ye card bus yehi games nahi latest AAA games jaise witcher 3 , mass effect andromeda, assassins creed syndicate in games ko bhi 1920 X 1080 pe chalane ki chamta rakhta hai agar aap thode settings tweak kar de toh .Main is card ko teen mahine se use kar raha hoon aur in games jo upar diye hai unmein mujhe consistence 30 fps mil raha hai high settings rakhne ke bawzood.

Ye card budget gamers ko nazar mein rakhar banaya gaya hai jo 30-40k ke graphics card nahi khaeed sakte jaise main.Ye unke liye hai jo har game ko nearly high pe khelna chahte hai agar ultra pe nahi. is card ka power requirement bhi  kafi kum hai jiske karan iska desktop version card kai naye hp aur dell ke laptops mein bhi mil raha hai.

ARCHITECTURE AND DESIGN:

Yeh card NVIDIA ke ultra efficient pascal architecture pe banaya gaya hai . aapko bata doon yehi architecture pe iske bade bhai 1060,1070 aur 1080 banaye gaye hai.

Is card mein sabse kum cuda cores diye gaye hai jo ki 640 hai budget ko dekhte hue , lekin iski kami ko makeup karne ke liye isko kafi zyaada 1455MHz ka boost clock speed diya gaya hai.

Ye aapko  2Gb Gddr5 version mein mil jaega .Dosto iske ram pe mat jaiye  zyaada ram high textures ke liye hi use hota hai iske alawa kuch aur zyaada kaam nahi aata , lekin agar aap ek developer jo autocad jaise softwares use karte hai toh ye card aapke liye nahi hai main aapko 1060 lene ko kahunga .Gamers jaise main jinko bus games se matlab hai unke liye ye 2Gb ram kafi hai, main apne experience se bol raha hoon.

Is card ka evga version flipkart aur amazon pe mil raha hai. EVGA ne iske card ke gpu ko bus 145mm ke card length mein fit kiya hai jo ki bahut hi compact hai, toh isko hum choote gaming rigs mein bhi daal sakte hai. Agar aapke pass koi purana i5 3rd gen cpu pada hai toh aap usmein ye graphics card laga sakte hai. Dual core cpu meinye acche se kaam nahi karega kyun cpu isko bottleneck karega, kum se kum i5 hona chahiye 3rd ya 2nd gen ya i3 4th gen is card ko lagane ke liye. i3 pe shayd kaam karein kyunki aaj kal ke latest games dual core processors pe kaam nahi karte kums  se kum quad core processor hona chahiye.

Ab baat karein cooling ki toh ismein aapko ek chotta sa heatsink diya gaya hai aur ek fan bhi hai jo suune mein kafi simple lagta hai lekin kaam bahut badiya karta hai . Main roj 3 hrs gaming karta hoon lekin mujhe abtak kuch overheating ka problem nahi nazar aaya.

PERFORMANCE:

Maine gtx 1050 ko aur graphics cards ke against test kiya ko same price range mein aate hai

Maine 12 games test kiye esports titles aur currect AAA graphics hungry games ko mila ke maine kai aur cards same setup pe test kiye.

gtx 1050 vs gtx 950 = 5% faster

gtx1050 vs rx 460 = 10% faster

gtx 1050 vs gtx 1050ti= 10% slower

gtx 1050 vs gtx 1060=40% slower

gtx 1050 vs gtx 970=30% slower

gtx 1050 vs gtx 960 4Gb=10% slower

Toh hum dekh sakte hai ki ye apne price range ke cards se accha performance deta hai lekin slightly expensive cards jaise 970 aur 1060 unse kafi peeche reh jata hai

maine isse 1080 ke against comapre nahi kiya kyunki mujhe pata hai ki differnce more then 50% ka hai

BENCHMARKS:

Chalo hum waha aa gaye jiska sabko intezaar tha

SETUP

  • i5 4th gen
  • 8gb ddr3 ram
  • lga 2011 motherboard
  • gtx 1050 2gb gddr5

aur sab details ki zaroorat nahi kyunki yehi sab hi main kaam aate hai games mein

Sabhi tests ke liye  settings jaise water , filtering, fog,aadi medium pe hai

WITCHER 3
  • HIGH 1920 X 1080 : 45FPS
  • MED 1366 X 768: 71FPS
GTA 5
  • HIGH 1920 X 1080 :  65FPS
  • MED 1366 X 768 :73 FPS
BATMAN ARKHAM KNIGHT
  • HIGH 1920 X 1080 : 35 FPS
  • MED 1366 X 768: 47 FPS
JUST CAUSE 3
  • HIGH 1920 X 1080 : 54 FPS
  • MED 1366 X 768: 67 FPS
MAFIA 3
  • HIGH 1920 X 1080 : 35 FPS
  • MED 1366 X 768 :45FPS
MASS EFFECT ANDROMEDA
  • HIGH 1920 X 1080 : 37 FPS
  • MED 1366 X 768:  54 FPS

FINAL VERDICT

Ab aap upar diye gaye benchmarks se dekh sakte hai ki agar settings medium pe rakhe toh high resolution 1920 x 1080 pe games more than 30 fps pe aaram se chal jaa rahe hai.

Lekin agar settings ko hum ultra pe le jaaye toh hd resolution pe ye card less than 20 fps deta hai kyunki ye ek budget card hai aur agar kisi ko ultra pe khelna hai jo med-high settings pe khush nahi hai uske liye ye card nahi hai.

overall apne price ke hisaab se ye kafi accha performance deta hai

agar aapko sabhi latest games khelen hai jo 2016-17 mein launch hua ek decent settings pe aur aapka budget 10k ya usse kum hai toh ye card highly recommended hai. Bharsosa ki jiye ye card aapko disappointnahi karega.

Toh dosto finally aapko NVIDIA  GTX 1050 full review kaisa  lga niche comment krke hme btaye Hmare blog ke new post ko apne email pe prapt krne ke liye subscription kare. 

 

 

LEAVE A REPLY

Please enter your comment!
Please enter your name here