Registration open on Paytm for Business

Pichle hi week Whatsapp ne small businesses ke liye Whatapp Business app launch ki thi. Aur uske baad is week Paytm bhi ek app business purpose se lekar aaya hai jiska naam  ‘Paytm for Business’ hai. Paytm for Business app Google Play Store par download ke liye already available hai.

paytm

Paytm for Business app dwara businessmen aur business partners ke liye digital payment ko accept kar paana aur bhi aasaan ho jayega. Is app dwara aap kisi bhi payment ko instantly track bhi kar sakte hain. Saath hi iske dwara aap bank settlements ko bhi track kar sakte hain.

Iske alawa Paytm for Business app ki khaasiyat ye hai ki ye 10 se jyada regional languages mein available hai aur sabhi users apne transactions ke status ko is app par immediately check kar sakte hain jiske liye ab aapko bank dwara message ka wait nahin karna hoga.

Also Read.

Paytm for Business app par kewal itna hi nahin, balki aap apni daily, weekly ya monthly transactions ki saari detail bhi check kar sakte hain. Ye application daily bank settlements ke liye aapko ek Unique Taxpayer Reference number bhi provide karti hai.

Paytm-for-business

Businessmen aur merchants ko priority dete huye Paytm for Business App par inke liye Merchants Helpdesk ki bhi vyavstha ki gayi hai. Yahin se sabhi merchants instant payment accept karne ke liye apne QR code bhi print kar sakte hain.

Is app ko launch karne par Paytm ke CEO ka kehna hai ki hum apne Merchant partners ko best payment infrastructure dene ke liye committed hain. Isi ke liye hamaari Paytm for Business app launch ki gayi hai jo ki desh ki ek important aur badi business partner community ke liye payments ko simple banaane ki taraf ek kadam hai. Is app dwara aasaani se har roz ke business operations aur payments ka record rakha jaa sakta hai.

Toh dosto finally aapko yeh jankari aapko kaisi lgi niche comment krke hme btaye. Hmare blog ke new post ko apne email pe prapt krne ke liye subscribe kare.

LEAVE A REPLY

Please enter your comment!
Please enter your name here