Vodafone launched VoLTE services in Delhi / NCR Mumbai and Surat

Vodafone ne aaj finally Delhi/NCR mein VoLTE service launch kar di hai. Iske alawa Mumbai aur Gujarat ke Surat aur Ahemdabad mein bhi Vodafone VoLTE services aaj se shuru hongi. Company ise Super VoLTE service bata rahi hai aur saath hi ye vaada kar rahi hai ki ye technology voice calls par high quality sound dene mein capable hai.

Vodafone ke is SuperVoLTE network dwara logon ko ultra clear voice quality to milegi hi, saath hi background voice bhi kaafi had tak reduce hogi. Vodafone ke according aap Super VoLTE network dwara call karte samay bhi 4G speed mein internet use kar sakte hain.

Abhi ke liye is company ne 4G smartphones ke taur par kewal Oneplus 3, Oneplus 3T, Oneplus 5, Oneplus 5T, Honor View 10, Honor 9i, Honor 7X, Honor 8 Pro, Xiaomi Redmi 4, Mi Mix 2, Mi Max 2, Nokia 5 Nokia 8, Samsung C9 Pro aur Samsung J7 Nxt ko list kiya hai. Iske alawa other Vodafone users ke handsets mein Vodafone Super VoLTE ko use karne ke liye unhein software update mil jayega jiske baad hi wo is service ko use kar sakenge.

Yadi aap Vodafone user hain aur jaanna chahte hain ki aapka smartphone Super VoLTE ke liye compatible hai ya nahi, to apne smartphone se 199 par SMS karein ‘4G CHECK’. Saath hi dual SIM smartphones mein ye suvidha paane ke liye aapko aapko Vodafone SIM first slot mein rakhni hogi aur network mode mein ‘4G / 3G / 2G (Auto)’ select karna hoga.

Vodafone ne aaj se 4G VoLTE service Delhi / NCR mein shuru ki hai, jabki Airtel aur Jio yahaan pehlse se moujood hain. Iske alawa is samay Jio hi ek aisa network hai jo all over India mein VoLTE service de raha hai. Baaki leading providers dhire dhire is service ko country ke har area mein expand karne mein ab bhi kage huye hain.

Toh dosto finally aapko yeh jankari aapko kaisi lgi niche comment krke hme btaye. Hmare blog ke new post ko apne email pe prapt krne ke liye subscribe kare.

LEAVE A REPLY

Please enter your comment!
Please enter your name here