Xiaomi Launched 55-Inch 4K Display TV in India

 

Xiaomi ne 2018 year mein aaj India mein apna pehla launch event organize kiya jismein most awaited smartphones Redmi Note 5 aur Redmi Note 5 Pro ke saath ek television bhi shaamil hua jiska naam Mi TV 4 hai. Ye Xiaomi ka pehla TV hai jo China se bahaar launch kiya gaya hai.

Xiaomi fans ke liye ye ek behad badi khabar hai ki Mi TV 4 kewal 39,999 INR mein India mein available hoga. Is television ko Flipkart ke saath saath aap Mi.com aur Mi Home stores se bhi kharid sakte hain. Isi ke saath Mi TV 4 kharidne par aapko Sony LIV aur Hungama ka 3 months ka subscription bhi bilkul free milega.

Mi TV 4 4.9mm thickness aur bezel-less design ke saath aayegi. Ye ek 55 inch ki 4K TV hai jismein 3840 x 2160 pixel resolution aur 178 degree wide viewing angles hain. Mi TV 4 quad core Amlogic Cortex A53 processor par chalegi jiski clock speed 1.8 GHz hai aur saath hi ismein Mali T830 MP2 GPU aur 2GB DDR4 dual channel RAM bhi di gayi hai.

India mein launch hui Xiaomi ki ye pehli TV 8GB internal storage ke saath aayegi aur ismein 8w ke 2 speakers honge jinmein Dolbly Audio aur DTS-HD support hoga. Is TV mein MIUI TV ke saath PatchWall AI software hai Android par based hai.

Xiaomi ne apne customers ko achha entertainment content dene ke liye Hotstar, Hungama, Voot, SunNxt, etc. se tie-up kiya hai. Mi TV 4 ke saath aapko lagbhag 500K hours ka entertainment content milta hai jismein se lagbhag 80 percent content free hai.

Mi TV 4 ke saath aapko ek 11 buttons wala remote milta hai jismein Bluetooth moujood hai aur isiliye TV ko control karne ke liye aapko har baar remote TV ke saamne pin point nahin karna padega. Ye television India mein available lagbhag sabhi set-top boxes ke saath compatible hai aur saath hi ye jyadatar Indian languages ko bhi support karega.

Mi TV 4 ke connectivity options mein Wi-Fi 802.11 a/b/g/n (2.4 / 5GHz) 2X2, Bluetooth 4.0 LE, Mi Port, 3 x HDMI 2.0, AV, 1 x USB 2.0 x 1, USB 3.0 x 1 aur Ethernet shaamil hain.

Toh dosto finally aapko yeh jankari aapko kaisi lgi niche comment krke hme btaye. Hmare blog ke new post ko apne email pe prapt krne ke liye subscribe kare.

 

LEAVE A REPLY

Please enter your comment!
Please enter your name here