Xiaomi Redmi Note 5 With 18:9 Display Launched In India Just For Rs. 9,999

Fans ke behad lambe intezaar ke baad aaj Xiaomi ne India mein is saal ka pehla launch event organize kiya jismein most awaited smartphone Redmi Note 5 launch kiya gaya. Is smartphone ko aap kewal Flipkart se kharid sakenge.

Redmi Note 5 ko 2 variants mein launch kiya gaya hai. Iska 3GB RAM aur 32GB internal memory ke saath aane wala version 9,999 INR ki kimat par launch hoga, jabki 4GB RAM aur 64GB flash storage variant ki kimat 11,999 INR rakhi gayi hai.

Ab chalte hain iske features ki taraf, Redmi Note 5 mein 5.99 inch ki FHD+ 18:9 display hai jismein aapko 403ppi pixel density milti hai. Saath hi 2.5D curved glass layer bhi is par di gayi hai. Is handset mein aapko 5 MP ka front camera diya gaya hai jo selfie flash light aur Beautify 3.0 jaise features ke saath aayega.

Redmi Note 5 mein 12 MP ka auto focus rear camera hai jo f/2.2 aperture aur LED flash light ke saath aapko milta hai. Black, Gold, Rose Gold aur Blue color options mein milne waale is smartphone mein 4000mAh ki battery hai aur rear panel ke center mein fingerprint sensor bhi moujood hai.

Redmi Note 5 mein hybrid dual SIM slot diya gaya hai jismein second SIM slot mein aap SIM ya microSD card mein se kisi ek cheez ka use kar sakte hain. Android 7.0 Nougat par chalne waale is smartphone mein MIUI 9 skin bhi moujood hogi.

Saath hi Redmi Note 5 Octa core Qualcomm Snapdragon 625 processor par chalta hai jiski clock speed 2.0 GHz hai aur saath hi Adreno 506 GPU bhi diya gaya hai. Connectivity options ki baat karein to ismein 4G VoLTE, 3G / HSPA+, EDGE / GPRS, Wi-Fi 802.11 b/g/n, Bluetooth 4.2, GPS, Micro USB port aur 3.5mm audio jack shaamil hain.

Toh dosto finally aapko yeh jankari aapko kaisi lgi niche comment krke hme btaye. Hmare blog ke new post ko apne email pe prapt krne ke liye subscribe kare.

LEAVE A REPLY

Please enter your comment!
Please enter your name here