Xiaomi Redmi Note 5 PRO With 20MP Front Camera Launched In India Just For Rs. 13,999

Xiaomi ke aaj India mein chal rahe event mein Redmi Note 5 ke saath Redmi Note 5 Pro bhi launch kiya gaya. Redmi Note 5 Pro ek camera centric smartphone hai jiske zariye Xiaomi camera focused smartphones ko achhi takkar deta nazar aa raha hai.

Saath hi budget smartphones mein ye ek aisa smartphone bhi hai jo aapko ek competitive price mein 6GB tak ki RAM ka option de raha hai. Redmi Note 5 Pro ko aap 2 variants mein Flipkart se purchase kar sakte hain. Ismein 4GB RAM aur 64GB internal memory ke saath aane wala variant 13,999 INR mein uplabdh hai aur 6GB RAM ke saath 64GB ROM version ki kimat 16,999 INR hai.

Redmi Note 5 Pro mein dual rear camera setup moujood hai jismein 12 MP ka primary camera aur 5 MP ka secondary rear camera diya gaya hai jo dual LED flash light, f/2.0 aperture (primary) aur f/2.2 aperture (secondary) jaise features ke saath aayenge. Is smartphone mein 20MP ka front camera hai jo selfie flash light, Beautify 4.0 aur Sony IMX376 sensor ke saath aayega.

Redmi Note 5 ki hi tarah ismein bhi aapko 5.99 inch ki FHD+ full view display di gayi hai. Redmi Note 5 Pro 1.8 GHz Octa Core Qualcomm Snapdragon 636 processor par chalta hai aur ismein Adreno 506 graphics moujood hai.

Redmi Note 5 Pro mein bhi aapko 4000mAh ki battery milti hai, lekin fast charging support ki kami aapko yahaan zaroor khal sakti hai. Iske saath aapko 5V / 2amp ka charger milta hai. Saath hi rear panel par fingerprint scanner bhi diya gaya hai. Ye hybrid dual SIM based smartphone MIUI 9 par chalta hai jo Android 7.0 Nougat par based hai.

Connectivity options ki baat karein to ismein 4G VoLTE, 3G / HSPA+, EDGE / GPRS, Wi-Fi 802.11 b/g/n, Bluetooth 4.2, GPS, Micro USB port aur 3.5mm audio jack shaamil hain.

Toh dosto finally aapko yeh jankari aapko kaisi lgi niche comment krke hme btaye. Hmare blog ke new post ko apne email pe prapt krne ke liye subscribe kare.

LEAVE A REPLY

Please enter your comment!
Please enter your name here